"¿Algún informático en la sala?" eta han ikusten da Itziar mahai baten azpian izkutatzen… patetikoa da.

    Zergatik? gaur ordenagailuek nire aurkako borroka egiteko eguna hartu dute. Bai, ez nireak bakarrik eh, besteren bat ere kontran jarri zait. Hemen ditut, nire ondoan etxeko bi ordenagailuak, eskerrak batek behintzat egiten duen..bestea hortxe dago tripak aterata, zer egingo diogu ba.

 
   Atzoko hitza, NAZKATUTA zen, ba gaurkoa ere bai. Ezin nahi dudana egin. Zergatik izango ote da informatikaren munduan dena erlatiboa? email bat bidaltzen badut, nora bidali pentsatu behar dut, zein itsurarekin iritsiko den jakiteko. Edo zein nabigatzaile erabiliko duten besteek, ez du balio "nirean ondo ikusten da" batek… Eta gero informatika gustatzen zaidala esaten dut (beno, gustatzen zait eta…).

   Ziur nago jende askok uste duela, dibertigarria dela eserita pasatzea eguna, jolasten, ordenagailu aurrean "egon" behintzat. Halere, tarteka beste lanen batengatik aldatuko nuke. Tarteka bakarrik eh. Ba al dakizue zer sentitzen den, zure lanaren fruturik ez ikustean, edo oso epe luzera ikusten dituzunean? bai ba hoixe, desmoralizatu da hitza. Mekaniko batek kotxe bat konpontzen du, edo ez du konpontzen, momentuan ikusten da hori. Eta nork dio egiten hainbeste ordu pasatako nire web orri erdi programatuak ongi egingo duen, egiten hasi naizen momentuan? inork ez daki, nik ere ez.

   Gaurko leloa: botila erdi beteta dagoela pentsatu behar da!!!! ez ahaztu.

    Nola zauden galdetzen dizutenean, "ondo" erantzuteko ohitura dago, beno edo ondo gaudelako erantzuten dugu horrela. Ziuraski gaur niri "zer moduz zaude?" galdera egiten didanari ere, ondo nagoela erantzungo diot, naiz eta jakin nazka nazka eginda nagoen, NAZKATUTA. Zerbait egin nahi eta ezin, badakizue informatikarion mixeria.

    Nire irakasle batek behin esan zuenaz gogoratu naiz gaur: programa batean akats bat aurkitzen genuenean, ospatu beharreko gauza zela, eta txanpainarekin ospatzeko modukoa zela. Denok barre egin genion. Baina bazuen arrazoirik. Gaur egin dudan programa zatiak ez dauka akatsik (beno, hala ematen du behintzat)… baina ez du egiten!!! eta nola jakin non dagoen benetako akatsa?  barrutik ustela dagoen fruta bat bezala da, kanpotik polita eta jateko modukoa, baina badakigu gaizki dagoela barrutik. Nire programa bezala. Ustela.

    Beraz gaurko nire goiza imaginatzen baduzue, ziur ez zaizuela gustatuko. Akatsik ikusten ez duzuen papel zati batean, akatsa bilatzea…

    Bide batez, ba al da norbait PHP eta javascript kontrolatzen duenik? laguntzatxo bat eskertuko nuke…

    Aurrekoan nere gaztetxoei irakurri nien ipuin bat. Zer pentsatua ematen duen horietako bat.

—————————————————————————

    Bazen behin umore txarreko haur bat, edozein huskeriren aurrean bere petralkeria azaltzen duen horietako bat.

    Aitak, semearen jarrera ikusteaz nazkatuta, iltze sorta bat eman zion semeari, eta lagunen bati petralkeriaren batekin erantzuten zion bakoitzean, atearen atzekaldean iltze bat sartzeko esan zion.

    Lehenengo egunean 37 iltze sartu zituen atearen ostean.

    Egunetik egunera, atean sartzen zituen iltze kopurua jeisten joan zen, bere petralkeria kontrolatzen ikasten ari zen… eta iltzerik sartzeko premiarik izan ez zuen eguna iritsi zen. Aitarengana joan zen ziztu bizian, eta honek, erantzun txarrik ez ematea lortzen zuen bakoitzean iltze bat kentzeko esan zion, eta hala egin zuen.

    Egunak pasa ziren, eta ate atzean zeuden iltze guztiak kentzea lortu zuen. Aitari albiste pozgarria eman zion.

    Orduan, aitak semeari eskutik heldu eta atearen atzekaldera eraman zuen. Eta begietara begiratuz hau esan zion:

   - Maitea, ongi egin duzu. Baina begiratu atea. Ezta inoiz betikoa izango, zuloz josita dago. Hau bera gertatzen da erantzun txar bat botatzen duzun bakoitzean, horrelako zauriak uzten dituzu. Ziur pertsona bati labana bat sartzen badiozu, barkamena eskatzeak ez duela zauria sendatuko. Kontuan hartu hitzez egiten diren zauriak, bestelako zauriak bezain mingarriak direla. Eta mingarriagoak direla lagunengan. Zaindu lagun bezala dituzun altxorrak, barre eragiten dizutenak, aurrera jarraitzeko indarra ematen dizutenak, entzuten dizutenak, zurekin guztia elkarbanatzen dutenak, eta bihotza irekitzen dizutenak. Joan, eta erakutsi zure lagunei, zenbat maite dituzun.

    Ni harrituta gelditzen naiz, interneten inguruan jendeak sartzen duen ordu kopuruarekin. Ordu asko sartu behar dira, horrelako ideiak eduki eta egiteko. Halere, orain aurkeztuko dizuedan web orriak egileari denbora asko kenduko zionik ez dut uste. Klikatu hemen eta astelehena den edo ez jakingo duzue. Bai bai, horretarako web orri bat dago… eta gehiago oraindik. Astelehena ez dela? agian asteartea dela esango dizu, eta asteartea den edo ez esaten dizun beste orri batera iritsiko zara. Eta horrela, asteko egun guztiekin.

    Harritzekoena ordea, gaur larunbata izanik, denetan ezetz atera zaitela da. NO. Ostiralean izan ezik EZ jarri didala. Nabigatzailea euskaraz konfiguratuta daukat, eta ez dakit zergaitik ostirala bakarrik konturatu da hortaz. Halere zergatik esaten dit gaur ez dela larunbata? auskalo. Webari ez zaizkio larunbatak gustatuko…

    Zuek probatu, eta esango didazu ondo ikusten den edo ez…

    Musikak umorea aldatzen al du? Nik baietz esango nuke. Noiz jartzen gara Alex Ubago bezalakoak entzuten? edo Berri Txarrak? Edo Kauta agian? Nik zer dakit! Zer musika ari zarete entzuten zuek orain, ziurasko gauez irakurriko dituzue nire post-ak, eta zer musika entzuten duzue interneten ari zareten bitartean? Lasaia… edo martxosoa… edo "txunta"?

    Ni momentu hontan lasai xamar bat entzuten nabil. Arratsaldeko 20.15ak dira…lasaitasun momentu bat mesedez. Oihurik ez! lasaitasuna, musika lasaia…

    Ostirala da, asteburua bertan da. Animatzeko musika…bihar goizean jarri beharko dut!!! orain ez da momentua…

    Sistema eragile erabilgarri bat, erabiltzen erraza…eta tarteka arazoak ematen dituen horietakoa… normala beraz. Ez da munduko beste ezer, baina gure inguruan jende gehienak erabiltzen duena da, ni barne eh!

    Baina zergatik erabiltzen dugu hainbeste? nik hipotesi bat daukat. Dendatik ordenagailua windowsekin etortzen delako? Agian bai.

    Halere gaur buruari pentsatzeko eskatu diot, karteta jolasten ari nintzen bitartean. Zergatik ote? Ba JOKUENgatik noski. Nor ez da guztiz "engantxatuta" egon windowsek ekartzen dituen jokutakoren bati? Nik "buscaminas" garaia izan nuen ("dragamina" windows euskaratuan), eta orain berriz, spider solitarioa egiten nabil uneoro! (nire kuadrilan esaten den lez, solitarioa = bakartia).

    Laguntza behar dut!!! zer egin behar dut "bizio" hau kentzeko? ziur nago enaizela horrelakoak pairatzen dituen bakarra… ikaragarrizko jokuak izango balira, ba tira, baina "kaka zarra baño txarro dia joku hoyek!!!"

   Bueno, eta esateko gelditzen zaidan gauza bakarra… KE FUERTE!

ba al dakizue zer diren axubetak? gure herrian behintzat "aujetak" deitzen diegu. Ba asteburu honen bukaeran, "jesukriston aujetak dazkat".  Asko, parre egitearen erruz. Ederra parre algarak… batagatik edo besteagatik…axubetak, gorputzeko beste hainbat tokitan.

halere, merezi izan du asteburu honek. Giro aparta, beno eguraldia ez ordea. Haurrak beti haur, beraien bihurrikeriekin…baina bestela dena primeran. Eta makarroiak? Eh Tuti? Onak ezta?

astelehena izan da gogorra, lan asko, nekea..ufa… 

Egia esan beste blog batean aurkitu dudan testu bat da, eta gazteleraz gainera. Nik uste, zer pentsatua eman dezakeela. Ea copy-paste bat…

De todas las poderosas armas de destrucción que el hombre ha sido capaz de inventar, la más terrible, y la más cobarde, es la palabra.

Los puñales y las armas de fuego dejan vestigios de sangre. Las bombas hacen temblar edificios y calles. Los venennos acaban siendo detectados.

La palabra consigue destruir sin pistas. Niños condicionados durante años por los padres, hombres criticados sin piedad, mujeres sistemáticamente humilladas por comentarios de sus maridos. Fieles alejados de la religión por aquellos que se juzgan capaces de interpretar la voz de Dios.

Intenta ver si tú estás utilizando esta arma. Intenta ver si estás utilizando esta arma contra ti mismo. Y no permitas ninguna de las dos cosas.

Paulo Coelho

 

Egia esan arrazoirik ez zaila falta uste dut nik. Ez al dute ba esaten gehien maite zaituenak egingo dizula min gehien? eta noski min hori normalean behintzat, ezta ez, fisikoa izaten. Bestelakoa izaten da… Eta testuan bertan azaltzen dena, norberari min emate horrena ere, egia ote? zenbat aldiz damutu gara esandakoaz, ez al gaitu horrek mintzen?

Lagunok, gai interesgarria, bai. 

Gaurko eguna lanpetua benetan, eta euliak inoiz baino nazkagarriago. Itziarrek noiz lan gehiago, euliak nazkagarriago. Bai.

Eta bai, eguna lanpetua izan da, edo eginbeharrez betea, hobe esanda.

Eginbehar bat definitzeko, hitzak berak esaten duena da onena. EGIN BEHARRA, egin behar dena, ez zerorrek nahi duzuna, edo besteek zuk egitea nahi dutena. Benetan arrazoi bat dela edo beste bat dela egin beharrekoa, beti ez gustokoa… 

Halere, gaurko eguna bukatu da, lanerako behintzat, eta biharko eginbeharretan pentsatu beharko. Gaurkoak pasa dira, biharkoak etorriko dira…

Zenbat aldiz idatzi dut eginbehar hitza? jajaja 

Esteka honetan sartu, eta ea zer ondorio ateratzen duzuen…